شبـــاب العمـــــار
إضغط دخول وإدخل فورا
وإلا إعرف إن الفيسبوك هو اللي منعك
واحشتونا والله

شبـــاب العمـــــار


 
الرئيسيةالتسجيلس .و .جالمجموعاتدخول


شاطر | 
 

 الحلم والعقل ،،، هل يجتمعان ؟!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حنين
عماري أصيل
عماري أصيل


انثى
عدد الرسائل : 10048
العمر : 28
المكان : بلدى العمار مين زيها .؟!
الحالة : الحمد لله
الهواية : الغلاسة
تاريخ التسجيل : 11/05/2007
التـقــييــم : 12

مُساهمةموضوع: الحلم والعقل ،،، هل يجتمعان ؟!   الجمعة 30 سبتمبر 2011, 9:56 pm

فى البداية : سلام عليكم

فيه زى استنتاج كده جه فى دماغى وحبيت أعرضه على حضراتكم

كل واحد فينا أو _تقريبا_ كل واحد فينا له حلم معين وهدف فى حياته نفسه يحققه

على اختلاف الحلم ده حسيت إننا بنتقسم لعدة أصناف :

1- صنف متمسك جدا بحلمه يسعى ويبدأ ويخطط ويجازف تارك همسات العقل وراه

من أجل الوصول ويحاول مرة وإتنين وألف.

2- صنف متمسك جدا ومؤمن بالحلم ولكن لا يحرك ساكنا ويرى نيل المطالب بالتمنى.

3- صنف متمسك جدا ومؤمن بالحلم ولكن عقله المائل للاستقرار

غالب عليه فيسلك مسلك العقل وسكة السلامة ويكبر دماغه ويرضى بالأمر الواقع وبيقول لنفسه

( يعنى هو أنا اللى هنجح ما كان فيه مية واحد طموح ولا عملوا حاجة عصفور فى اليد بقى !)

4- صنف بيحلم بس حلاوة روح لا متمسك ولا تارك ولا بيعمل أى حاجة.

طيب السؤال هنا :

هل فيه علاقة عكسية بين درجة تعقل الشخص وعدد محاولاته ومجازفته فى تحقيق حلمه؟

من وجهة نظرى الشخصية شايفه إن الإجابة : نعم

دكتور عصام حجى كلنا عارفينه عالم فى وكالة ناسا الأمريكية 35 سنة كان من فترة قريبة على التلفزيون

وبيحكى مشواره فأتسأل : إنت وصلت إزاى لناسا ؟

قال: أنا جه عليا فترة وأنا فى مصر كنت بجرب وبسلك كل الطرق أياً كانت العواقب

وبالعربى مكنش عندى حاجة أخاف عليها فجازفت وتعبت بس صابت معايا والحمد لله !!


** درجة التعقل لدى الشخص واللى بتجبره أحيان كتيرة على تقبل الواقع والميل للاستقرار والهدوء

ومحاولة كسب ثقة الناس فى إنه ( عاقل ومفيش زيه ) وخوفه وبعده عن إنتقاد الناس فى إنه

( فاكر نفسه هيبقى حاجة ومجنون !!)

أنا بشوفها سبب فى إن ناس كتييييييييييييييييير تخلت عن أحلامها ونااااااس كتير اختارت الطريق الأسهل

مفيش أختلاف على إن العقل قوته مش سهلة وله نصيب الأسد فى قرارات معظم الناس

وبحس إنه دايماً يميل للهدوء والأمان

وعلشان الطموح شىء مطلق ملهوش حدود

ومش سهل ومقترن دايما بالمغامرة والمجازفة فتلاقيه هو والعقل مفيش بينهم عمار

السؤال هنا : لو أنا عندى طموح ضخم نفسى أحققه إزاى آخد الكم المناسب من العقل

اللى لا يقتل حلمى ولا يخلى الحلم والفكرة تاخدنى مكان مترجعنيش منه ؟


وأياً كانت الإجابة صعب أوى يبقى فيه أستلطاف بين ( العقل والطموح أو العقل والحلم)

فياريت نحاول نقرب وجهات النظر بينهم بس ميكنش الضحية فى الآخر هدفك أو طموحك !!






_________________________


فى ناس بتشوفها مرة و تعيش جواك سنين

و ناس فى كل مرة ,,, تشوفها تقول دى مين

و ناس تاخد حاجات و ناس بتسيب حاجات

و ناس ويا الساعات بتروح و تسيب حنين


الرجوع الى أعلى الصفحة اذهب الى الأسفل
http://shabab-el3amar.the-up.com/montada-f40/topic-t20132.htm#22
عبد الغني عبده
عماري مكسر الدنيا
عماري مكسر الدنيا


ذكر
عدد الرسائل : 386
العمر : 47
المكان : الجيزة
الحالة : مش فاهم
الهواية : القراءة
تاريخ التسجيل : 29/11/2009
التـقــييــم : 4

مُساهمةموضوع: رد: الحلم والعقل ،،، هل يجتمعان ؟!   السبت 01 أكتوبر 2011, 6:00 am

حررت هنا تعريفاً "إجرائياً" للعقل قد لا يتفق معك فيه كثيرون.

جعلت العقل = التعقل، وضد الطموح والأحلام.

بينما أرى أن التعقل قد يكون ضد التهور وليس ضدالطموح

صحيح أن الحلم غير محكوم بقواعد العقل؛ وربما الطموح أيضاً.

ولكن التعقل والعقل لا يقفان في وجه طموح الإنسان وأحلامه.

الذي قف في وجه الإنسان ويتصدى لطموحه هو المجتمع

أو تصورات الإنسان عن "نظرة المجتمع" إليه...

وهذه التصورات قد تختلط بكم كبير من الأوهام....

فأنا قد أتخيل أنني لو لبست لبساً معينا

وخرجت إلى الشارع سوف أكون محل انتقاد المجتمع

بينما الواقع قد يكون مختلفاً، وقد يكون متفقاً مع تصوراتي

أنا هنا أطمح أو أحلم بالقيام بتصرف ما

يحكمني في القيام به "تصوراتي" (التي قد = أوهامي أو لا تساويها) عن انتقاد الناس لي..

أنا أطمح مثلاً أن أصبح مطرباً...

يا ترى ما رد فعل عائلتي والجيران والناس في الحي أو القرية؟!! هذا ما يحكمني

لا شك أن هذه التصورات كامنة في العقل...

ولكن العقل ليس مصدرها

مصدرها خبراتي السابقة عن هذا المجتمع وردود أفعاله إزاء تصرفات الآخرين....

*****
على فكرة الموضوع ده متعب قوي:))))

يمكن أرجع مرة تانية.

دماغي وجعتني

تحياتي

_________________________

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
حنين
عماري أصيل
عماري أصيل


انثى
عدد الرسائل : 10048
العمر : 28
المكان : بلدى العمار مين زيها .؟!
الحالة : الحمد لله
الهواية : الغلاسة
تاريخ التسجيل : 11/05/2007
التـقــييــم : 12

مُساهمةموضوع: رد: الحلم والعقل ،،، هل يجتمعان ؟!   السبت 01 أكتوبر 2011, 9:48 pm


مع حضرتك حق ،،،

من الممكن فعلاً أكون عملت خلط بين مفهوم العقل الحقيقى والتعقل أو الميل لسكة السلامة والتقليدية

بس فيه حاجة فى دماغنا مش مظبوطة :))))

يمكن فعلا نتيجة لخوفنا من انتقاد الناس ،،،،،، نتيجة لقلة رغبتنا فى إننا نكون مختلفين

خوفنا من العادات والتقاليد خوفنا من إننا نعدى الخط الأحمر هروبا من كل ما هو معتاد!

معرفش ،،،،،،، بس فيه حاجة فى عقلنا لا أعلم كيف اتكونت إ

ممكن تخلينا نضيح هدف أو طموح ونبقى بعدها فخورين و شايفين إننا أختارنا الصح وإن مفيش على عقلنا وصف !!

_________________________


فى ناس بتشوفها مرة و تعيش جواك سنين

و ناس فى كل مرة ,,, تشوفها تقول دى مين

و ناس تاخد حاجات و ناس بتسيب حاجات

و ناس ويا الساعات بتروح و تسيب حنين


الرجوع الى أعلى الصفحة اذهب الى الأسفل
http://shabab-el3amar.the-up.com/montada-f40/topic-t20132.htm#22
دهب
عماري محترف
عماري محترف


انثى
عدد الرسائل : 2994
العمر : 28
المكان : العمار
الحالة : الحمد لله تمام
الهواية : القراءه
تاريخ التسجيل : 25/04/2008
التـقــييــم : 74

مُساهمةموضوع: رد: الحلم والعقل ،،، هل يجتمعان ؟!   السبت 01 أكتوبر 2011, 10:08 pm

أنا شايفه يا حنين إن قوة عقلنا بترجع لإننا عايشين فى دوله من دول العالم التالت
يعنى الحاجات اللى إحنا شايفنها مجازفه ومغامره فى الوصول للحلم تعتبر فى بلدنا مجازفه ومخاطره وتضحيه وكل الكلام الكبير ده
لكن تيجى على دوله من الدول المتقدمه تلاقى الشخص بيمشى ورا حلمه وهدفه ومفيش أى شىء بيعوقه لآن كل اللى حواليه بيساعدوه
ومفيش عواقب ولا مخاطر بالعكس كل شىء سهل وبسيط قدامه المهم يكون عنده حلم ...والباقى كله سهل
المشكله مش فينا .........المشكله فى المجتمع ( بيعمل للشخص إحباط) فيجى الواحد اللى معندهوش صبر ولا زى ما بتقولى بيحلم حلاوه روح
من أول حاجه تقف قدامه يقولك هو انا اللى هعدل الكون يا سيدى عيش عيشه أهلك مبسوط
تقبلى مرورى
يارب أكون قدرت أوصل وجهة نظرى


_________________________
[ندعوك للتسجيل في المنتدى أو التعريف بنفسك لمعاينة هذه الصورة]

نفسى فى بوكيه ورد زى ده
الرجوع الى أعلى الصفحة اذهب الى الأسفل
حنين
عماري أصيل
عماري أصيل


انثى
عدد الرسائل : 10048
العمر : 28
المكان : بلدى العمار مين زيها .؟!
الحالة : الحمد لله
الهواية : الغلاسة
تاريخ التسجيل : 11/05/2007
التـقــييــم : 12

مُساهمةموضوع: رد: الحلم والعقل ،،، هل يجتمعان ؟!   السبت 01 أكتوبر 2011, 10:19 pm

دهب كتب:
أنا شايفه يا حنين إن قوة عقلنا بترجع لإننا عايشين فى دوله من دول العالم التالت
يعنى الحاجات اللى إحنا شايفنها مجازفه ومغامره فى الوصول للحلم تعتبر فى بلدنا مجازفه ومخاطره وتضحيه وكل الكلام الكبير ده
لكن تيجى على دوله من الدول المتقدمه تلاقى الشخص بيمشى ورا حلمه وهدفه ومفيش أى شىء بيعوقه لآن كل اللى حواليه بيساعدوه
ومفيش عواقب ولا مخاطر بالعكس كل شىء سهل وبسيط قدامه المهم يكون عنده حلم ...والباقى كله سهل
المشكله مش فينا .........المشكله فى المجتمع ( بيعمل للشخص إحباط) فيجى الواحد اللى معندهوش صبر ولا زى ما بتقولى بيحلم حلاوه روح
من أول حاجه تقف قدامه يقولك هو انا اللى هعدل الكون يا سيدى عيش عيشه أهلك مبسوط
تقبلى مرورى
يارب أكون قدرت أوصل وجهة نظرى




أنتِ أثرت نقطة مهمة جداً

مستوى طموحات وأهداف ناس فى بلد عامل زى مستوى دخل الفرد

بيختلف من بلد لبلد وبيزيد ويقل على حسب حالة البلد

إحنا ممكن يكون سقف أحلامنا واصل لنقطة معينة عند ناس تانية فى بلد آخر يعتبر فشل وسلبية !!

فعلشان كده شايفين أى خطوة لقدام غالباً مجازفة تستحق التمعن والتأنى قبلها

إضافة رائعة يا ميس

_________________________


فى ناس بتشوفها مرة و تعيش جواك سنين

و ناس فى كل مرة ,,, تشوفها تقول دى مين

و ناس تاخد حاجات و ناس بتسيب حاجات

و ناس ويا الساعات بتروح و تسيب حنين


الرجوع الى أعلى الصفحة اذهب الى الأسفل
http://shabab-el3amar.the-up.com/montada-f40/topic-t20132.htm#22
نور الإسلام
عضو


انثى
عدد الرسائل : 2282
العمر : 25
المكان : بيتنا فــ العمار
الحالة : مستمرة باذن الله
الهواية : القراءة و التفكير
تاريخ التسجيل : 18/11/2010
التـقــييــم : 9

مُساهمةموضوع: رد: الحلم والعقل ،،، هل يجتمعان ؟!   الأحد 02 أكتوبر 2011, 6:51 am

أولا موضوع جميل جدا و مفيد جدا و استفدت من وجهات النظر المختلفة

جزاكم الله خيرا

أنا شايفة ان عادي جدا انى احلم حلم لأعلى مستوى حلم عالى جدا

لكن واجب عليا أقسمه و أجزئه اللى محموعة من الاحلام البسيط

كل حلم بيتيح الفرصة لما بعده و تحقيق كل حلم بيكون خطوة لتحقيق الحلم الأكبر

يعنى يكون كل نظري لحلمى المجزء و للخطوة اللى عليها الدور اللى الطموح ليها واقعى جدا

و يناسبنى لكن دايما هكون واضعة قدامى سلم على أعلى درجة حلمى و نجاحى

بس كل تركيزي فـ السلمة اللى عليها الدور لأنها هترفعنى لسلمة جديدة و أكون قربت من القمة

و لو صل فشل فهكون عند سلمة اقتربت من القمة لكن لو فضلت انظر للقمة من الاول

دون النظر للخطوت فهفضل ديما فى القاع لأن مش هقدر اقفز مرة واحدة من القاع للقمة

أسفة ع الاطالة كامل احترامي
[ندعوك للتسجيل في المنتدى أو التعريف بنفسك لمعاينة هذه الصورة]

_________________________

رسالة للغبي بشار: ان كنت اسدا... فتذكر اننا احفاد حمزة صياد الاسود

انا لله و انا اليه راجعون


[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
احمد هلول
عماري أصيل
عماري أصيل


ذكر
عدد الرسائل : 1362
العمر : 44
المكان : المدينة المنورة ـ المملكة العربية السعودية
الحالة : متزوج +2
الهواية : التواصل معكم عبر المنتدي الجميل لشباب العمار
تاريخ التسجيل : 15/08/2009
التـقــييــم : 0

مُساهمةموضوع: رد: الحلم والعقل ،،، هل يجتمعان ؟!   الأحد 02 أكتوبر 2011, 9:42 am

حنين كتب:
ف

طيب السؤال هنا :

هل فيه علاقة عكسية بين درجة تعقل الشخص وعدد محاولاته ومجازفته فى تحقيق حلمه؟

من وجهة نظرى الشخصية شايفه إن الإجابة : نعم

** درجة التعقل لدى الشخص واللى بتجبره أحيان كتيرة على تقبل الواقع والميل للاستقرار والهدوء

ومحاولة كسب ثقة الناس فى إنه ( عاقل ومفيش زيه ) وخوفه وبعده عن إنتقاد الناس فى إنه

( فاكر نفسه هيبقى حاجة ومجنون !!)

أنا بشوفها سبب فى إن ناس كتييييييييييييييييير تخلت عن أحلامها ونااااااس كتير اختارت الطريق الأسهل

مفيش أختلاف على إن العقل قوته مش سهلة وله نصيب الأسد فى قرارات معظم الناس

وبحس إنه دايماً يميل للهدوء والأمان

وعلشان الطموح شىء مطلق ملهوش حدود

ومش سهل ومقترن دايما بالمغامرة والمجازفة فتلاقيه هو والعقل مفيش بينهم عمار

السؤال هنا : لو أنا عندى طموح ضخم نفسى أحققه إزاى آخد الكم المناسب من العقل

اللى لا يقتل حلمى ولا يخلى الحلم والفكرة تاخدنى مكان مترجعنيش منه ؟


وأياً كانت الإجابة صعب أوى يبقى فيه أستلطاف بين ( العقل والطموح أو العقل والحلم)

فياريت نحاول نقرب وجهات النظر بينهم بس ميكنش الضحية فى الآخر هدفك أو طموحك !!

اتفق تماما مع هذا الطرح
واوافق على الاجابة بنعم كإجابة للسؤال الاول
فكلما زاد التعقل كلما قلت المحاولات الفاشلة في تحقيق الحلم او الهدف ، ودعينا نسميه هدفا وليس حلما فالهدف اذا جنح للتعقل والتخطيط الجيد قرب من التحقق على ارض الواقع ، اما عملية تعديل الهدف وصقله ــ ولا اقل تغييره ــ ليتناسب مع امكانيات الواقع المتاحة من التخطيط والقدرات والمواهب انما تجتمع كلها تحت لواء التعقل لتحكم المسيرة لتحقيق الهدف ، اما الحلم فهو حلم بعيد بمنطقيته عن الواقع واظنه سيظل حلما ساقطا في غياهب الخيالات .


ودائما تكون العوائق امام تحقيق الهدف هي تجريد العقل من عدة امور اتصور انها اعتبار نظرة الاخرين والتي في الاغلب والأعم تقف سدا امام نهر العقلانية التي تتطلب في بعض الاحيان المجازفة ، وتلك المجازفة تتعامل مع العقل بطريقين اما النجاح او الفشل وخوفا من الاخيرة في وجود الاعتبار الاجتماعي يفقد الشخص القدرة على المجازفة خوفا من الفشل والخوف من الفشل هنا لا يؤثر على الفرد اذا كان هناك تثبيت للاعتبار الاجتماعي ، اما اذا كان الاعتبار الاجتماعي له شأن جلل عند صاحبه فبالتأكيد سيهوى تعقله ويتبعه سقوط الهدف .


ولا أتصور أن هناك خلل او تعارض بين العقل والطموح فهما مترابطان ومتلازمان فالأول يؤدي إلى الاخر ، والأخر يتطلب الاول ومن الطبيعي ان يحدث بينهما استلطاف ـ على حد قولك ـ ولكن دائما ما يقف بينهما عدة حواجز ، مثل الاعتبارات الاجتماعية و قلة الخبرة و عدم اكتشاف القدرات والمواهب التي يملكها الشخص واشياء اخرى ... كل هذه الاشياء هي من تجعل الطموح ضحية .

وهناك تساؤل يشير الى مدى وحجم التعقل المطلوب لتحقيق الهدف ،
ـ أزعم أنه القدر المطلوب لعدم هدم الاعتبارات الاجتماعية بالقدر الذي لا يكون له مردود اجتماعي سلبي لي وللآخرين ،
ـ كما أنه يجب أن يعمل على ملء الفجوة التي أحدثتها قلة الخبرة ،
ـ كما ينبغي إعمال العقل في اكتشاف المواهب والقدرات التي يمتلكها الشخص ،
وعند تحقيق تلك الاشياء وهذا الحجم او المدى من التعقل لن يكون الطموح ضحية التعقل أبدا ... فهيا ابدأوا وفقكم الله .

_________________________




عُبَّاد المسيح لنا سؤال نريد جوابه ممن وعاهُ
إذا مات الإله بصنع قوم أماتوه فهل هذا إلهُ ؟
!

ويا عجباً قبراً ضم رباً وأعجب منه بطناً قد حواه

تعالى الله عن إفك الحيارى سيُسأل كُلاًّ عمَّا إفتراهُ
.
لا إله إلا الله محمد رسول الله
.
الرجوع الى أعلى الصفحة اذهب الى الأسفل
حنين
عماري أصيل
عماري أصيل


انثى
عدد الرسائل : 10048
العمر : 28
المكان : بلدى العمار مين زيها .؟!
الحالة : الحمد لله
الهواية : الغلاسة
تاريخ التسجيل : 11/05/2007
التـقــييــم : 12

مُساهمةموضوع: رد: الحلم والعقل ،،، هل يجتمعان ؟!   الثلاثاء 04 أكتوبر 2011, 8:59 pm

نور الإسلام كتب:
أولا موضوع جميل جدا و مفيد جدا و استفدت من وجهات النظر المختلفة

جزاكم الله خيرا

أنا شايفة ان عادي جدا انى احلم حلم لأعلى مستوى حلم عالى جدا

لكن واجب عليا أقسمه و أجزئه اللى محموعة من الاحلام البسيط

كل حلم بيتيح الفرصة لما بعده و تحقيق كل حلم بيكون خطوة لتحقيق الحلم الأكبر

يعنى يكون كل نظري لحلمى المجزء و للخطوة اللى عليها الدور اللى الطموح ليها واقعى جدا

و يناسبنى لكن دايما هكون واضعة قدامى سلم على أعلى درجة حلمى و نجاحى

بس كل تركيزي فـ السلمة اللى عليها الدور لأنها هترفعنى لسلمة جديدة و أكون قربت من القمة

و لو صل فشل فهكون عند سلمة اقتربت من القمة لكن لو فضلت انظر للقمة من الاول

دون النظر للخطوت فهفضل ديما فى القاع لأن مش هقدر اقفز مرة واحدة من القاع للقمة

أسفة ع الاطالة كامل احترامي
[ندعوك للتسجيل في المنتدى أو التعريف بنفسك لمعاينة هذه الصورة]


حلوة الفكرة ،،،،،،،

تجزئة الحلم الكبيــــــــر الضخم لخطوات مستقلة وكلهم فى النهاية يوصلوا للمراد

ونجاحى فى واحدة فيهم يعنى إنى بقرب للهدف الأكبر

إضافة رائعة يا نور

_________________________


فى ناس بتشوفها مرة و تعيش جواك سنين

و ناس فى كل مرة ,,, تشوفها تقول دى مين

و ناس تاخد حاجات و ناس بتسيب حاجات

و ناس ويا الساعات بتروح و تسيب حنين


الرجوع الى أعلى الصفحة اذهب الى الأسفل
http://shabab-el3amar.the-up.com/montada-f40/topic-t20132.htm#22
حنين
عماري أصيل
عماري أصيل


انثى
عدد الرسائل : 10048
العمر : 28
المكان : بلدى العمار مين زيها .؟!
الحالة : الحمد لله
الهواية : الغلاسة
تاريخ التسجيل : 11/05/2007
التـقــييــم : 12

مُساهمةموضوع: رد: الحلم والعقل ،،، هل يجتمعان ؟!   الثلاثاء 04 أكتوبر 2011, 9:28 pm



ودائما تكون العوائق امام تحقيق الهدف هي تجريد العقل من عدة امور اتصور انها اعتبار نظرة الاخرين والتي في الاغلب والأعم تقف سدا امام نهر العقلانية التي تتطلب في بعض الاحيان المجازفة ، وتلك المجازفة تتعامل مع العقل بطريقين اما النجاح او الفشل وخوفا من الاخيرة في وجود الاعتبار الاجتماعي يفقد الشخص القدرة على المجازفة خوفا من الفشل والخوف من الفشل هنا لا يؤثر على الفرد اذا كان هناك تثبيت للاعتبار الاجتماعي ، اما اذا كان الاعتبار الاجتماعي له شأن جلل عند صاحبه فبالتأكيد سيهوى تعقله ويتبعه سقوط الهدف .


ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

بكلام حضرتك يا أستاذ أحمد يبقى هناك شبه أتفاق على إن الخوف

بيظهر نتيجة الرواسب اللى عندنا تجاه نظرة وكلام الناس والعادات والأعراف

وتجاه الخوف كمان من إننا منحققش اى حاجة فبنقول ( كده أضمن )


ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

وهناك تساؤل يشير الى مدى وحجم التعقل المطلوب لتحقيق الهدف ،
ـ أزعم أنه القدر المطلوب لعدم هدم الاعتبارات الاجتماعية بالقدر الذي لا يكون له مردود اجتماعي سلبي لي وللآخرين ،
ـ كما أنه يجب أن يعمل على ملء الفجوة التي أحدثتها قلة الخبرة ،
ـ كما ينبغي إعمال العقل في اكتشاف المواهب والقدرات التي يمتلكها الشخص ،
وعند تحقيق تلك الاشياء وهذا الحجم او المدى من التعقل لن يكون الطموح ضحية التعقل أبدا ... فهيا ابدأوا وفقكم الله .

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

متطلبات تحتاج إلى مشقة وقدرات كبيرة يارب نقدر كلنا نحققها

بشكر حضرتك جدا على هذا التناول القيم

وفقنا الله جميعا

_________________________


فى ناس بتشوفها مرة و تعيش جواك سنين

و ناس فى كل مرة ,,, تشوفها تقول دى مين

و ناس تاخد حاجات و ناس بتسيب حاجات

و ناس ويا الساعات بتروح و تسيب حنين


الرجوع الى أعلى الصفحة اذهب الى الأسفل
http://shabab-el3amar.the-up.com/montada-f40/topic-t20132.htm#22
mahmoud elbakry
عماري أصيل
عماري أصيل


ذكر
عدد الرسائل : 4785
العمر : 27
تاريخ التسجيل : 02/07/2007
التـقــييــم : 0

مُساهمةموضوع: رد: الحلم والعقل ،،، هل يجتمعان ؟!   الأربعاء 05 أكتوبر 2011, 9:02 pm

حلو موضوعك يا حنين

بحس ان طبيعة البشر عدم المجازفة بأي شيء ويقولوا عليه انه راضي باللي ربنا كتبهوله مع انه مايعرفش ربنا كتبله ايه
ولو اشتغل اكتر هاينول ايه
زي موظف الحكومة كده اللي بيقبض 500 جنيه مع انه لو اشتغل بره ممكن يقبض 2000 بس بيقول المعاش المعاش والمعاش
معاش150 مش هايقبضه هو مع انه لو اشتغل ب2000 جنيه ممكن يخلي فلوسه اضعاف مضاعفه
بس هو بيفكر من منطلق ان ده هو ضامنه اووووووووووووي وما عندوش استعداد يغامر
لحد لما يجي بعد 40 سنة
بعد لما يطلع معاش ويشوف صاحبه اللي اشتغل في القطاع الخاص وبقي عنده وعنده يقول يارتني


واحنا فيها
الشعب المصري كله كان اللي ابنه بيطلع في مظاهرة بيقوله انت قليل الادب ويلم اخواله واعمامه ويقوله حرام عليك هاتودينا في داهية
لحد ما شوية من العيال قليلة الادب دي طلعت وابتدت ثورة
والمحترمين انضموا ليها علشان ياخدوا حقوقهم

بس اللي غامروا وضحوا بنفسهم في الاول اكيد احساسهم حاجة تانية
غير اللي بيعمل ثورة دلوقتي عشان يزود مرتبه وهو طول عمره كان عايش في مطاطي :X


_________________________

الرجوع الى أعلى الصفحة اذهب الى الأسفل
 
الحلم والعقل ،،، هل يجتمعان ؟!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبـــاب العمـــــار :: المنــــــــتدي العــــــــام :: ركـن المفكرين ..-
انتقل الى: